Page 88 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 86

Dičaki pred godinom preteču svi va Ive huticu,
aš ta je najveća, zato, da kad liktar dojdu, i oni
budu imali mjesta za počivak. Skupa se stisnu,
pak bome boju se. Nigdor ne zame upamet da je
Marko zginul.
Po najvećoj godini ide Marko segurno na ono
mjesto kade je konj van došal. Dobro pogleda va
vodu, i vidi da se onde ništo gibje. Jedan Turak
leži na jednoj verbi.
– Ča j’ vo – se splaši Marko.
Turka ubraza ni j’ poznat. Kad je oganj konje
znoril, je stražar skočil na konja. Konj je va vodi
tako skakal, da ga j’ doli hitil, i ga pogazil, ali
pervo ga je abaj vlukal, aš mu se j’ noga s ostru−
gom va sedlo zakvačila, tako ga j’ va močvaru i mu
glavu razrital. Marko ga je van povlukal, ali je
vidil, da mu već ni j’ pomoći Turak je još par puti
riknul i je umer. Marko ga je slikal, pak ga j’ hitil
va vodu. Će ga voda kade−tade zakopat. Voda je
sve veća. Marko biži na više mjesto, i se sede:
– Mer bi te voda vako i nako bila otprimila. Ali
ono ča si na sebi imal, si mi je dal. Kuliko Ugrov,
Nimcov, Hervatov i ča ja znam koga si umoril.
Sad sam te ja poslal va paradižom, kade te čeka
Allah.
Sve poberie i najzad biži.
Va Palači jur gori oganj i se špeka slanina, kad
dojde Marko tamo. Moker, pokinut, ali vesel. Ča
si je doprimil, na kla hiti.
– Ovo mi je dal ta Turak, komu sam knoći
konja ziel. Ni mi je kanil dat, ali ja sam bil jači.
– Neg tako ti je sve dal? – se čudu.

86