Page 87 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 85

– Evica – odgovori – Petrovom Seli sam se
narodila. Turki su me ukrali.
– Ivica i Evica! – viče Marko i skače.
Sidu i gledadu. Veseli su da su mogli ča pomoć
braniteljom grada.
– Sad se friško morate ganut – veli Marko – aš
će vrieda curit. Meni samo sablju ostavite.
– Mierkaj na nju – velu liktar.
Spravu se na put. Pašću se da dojdu do sela. Ur
se začne curit, kad dojdu na Farkaša. Svi idu pod
striju, pak va stane. Konja sviežu pod jedno drivo.
Ljudi, ki su je čakali, bižu domon, aš strašna god−
ina dojde.
XVII.

Godina se je neg rasipovala, ali tuče ni j’ bilo.
Kvara se ni stalo, loza je vihor zustavila. Kad god−
ina mine, ljudi svi dojdu pred liktarovo.
– Vidite ljudi! – začnu liktar. – Bog nam je
pomogal. I mi smo sve učinili, ča nas naliže. Dica
se ponašadu kot hrabri vitezi. Pak, vidite kako
čuda vodie curi po potoki. Pastir je znal kamo si
moramo stane načinjit. Mi svi pošteno delamo.
Zdravi smo i onda ako smo još seneg va pogibeli.
– Niš se ne more znat? – pitadu teta Bare. – Ča
j’ z našimi va gradi? Znam ta Cigančić...
– Na to si ni mislit neka Bare – velu liktar. –
Dičaki samo tuliko smidu ča ni pogibielno za nje
i za nas. To sam im zapovidal.
Liktar im povu ča se je stalo knoći, kako su
segurni dičaki. Nigdor ne zame upamet da mala
Evica se va liktarice krilu tiho plače.

85