Page 58 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 56

– Paščit se moramo s žatvom – veli Martin – mi
ćemo samo još jedan tajedan moć bit ovde.
A drugi tajedan neg par dan, kad se budemo gori
selili.
– Kad je vakov položaj – velu liktar – opat su
nam dopustili da ne pravamo pojt k njim na
rabatu. Oni se spravljadu Lilienfeld. Ali čuvat
ćedu klošter do zadnjega.
Ljudi deladu, čagod moredu. Vrime im je bilo
dobro. Ča su čes dan poželi, podnoć su odviezli
na Farkaša, i je onde sklali, svaki na svoje mjesto,
da se bude šušilo. Jutro su išli najzad. Vako friško
još nigdar nisu poželi. Ko je ki imal lazno, je dru−
gomu pomagal. Do sobote je skoro se bilo zgora.
Nedilju su začeli pohištvo vozit. Srića je bila da
su si pute popravili. Tuliko su pometali na kola,
ča je neg stalo. Potili su se ljudi i blago. Svaki je
nato mierkal, da čim prije bude sve zgora.
Drugi tajedan je lagji bil.
Nedilju po ubiedi, po navadi su išli se ditići na
šinokošu učit. Kad su knoći gori došli, i kot ognja
pominali, su se hvalili:
– No denas bi nas bili morali dojt pogledat – su
se hvalili – sad nas ne bi bili usmihovali. Ov kon−
janik nas je na čuda naučil.
Drugi tajedan je sve na mjesti. Ča su zdola
poželi, su va kozlice uložili, pod velikim drivom
ko je stalo na kraj lozie. Onda se neće namočit.
Nako deladu ljudi kot merunci va merunčnjaki.
Ditići, mladi muži, divojke i žene kie nisu
noseće i nimaju dicu pri persi, idu va grad. Pašćit
se mora, aš je Turak jur blizu. Opatija dostane

56