Page 18 - Ivan_Horvat_Zidanski_dicaki
P. 18
Zidanski_dicaki.qxp 2017.10.18. 12:49 Page 16
Za par korakov su na stazi i odmah su pod
kostanjen. Pod velikin kostanjen ni germja, neg
mala tanka trava.
– Ovde smo – velu otac.
– Ovo mjesto je bome dobro sranjeno – veli
Cigančić. – Ne bi si bil mislil, da je vako lipo pod
ovim kostanjem.
Sedu se na jedno zrušeno drivo. Bog zna, gdo je
je simo povukal, i kuliko ljudi je jur ovde sidilo.
Najper zamu torbu.
– Tetac liktar – veli Marko – doniesli smo vam
i meru kobasice, mi smo svoje pojili.
– Kade ste ju ukrali – vi nišvridnjaki – velu
serdito liktar.
Ive povi ča se j’ stalo va gradi s guslarom. Kad
su se najili i napili, velu liktar:
– No, Marko, sad nam povi, ča su rekli Cigani.
– To su rekli – povi na kratki Marko – ča vam je
i konjanik povidal. Turak ide pod Beč s velikom
vojskom. Ur su došli va orsag prik veliki vod.
– To ni istina. Kude idu na Kiseg? – pitadu otac.
– Kude idu, svaki grad nutra zamu i požgu –
veli Marko. Kot naši račundu, na koncu julija
ćedu bit ovde. Imamo lazno, da se sranimo.
– Dobro, Marko, ali ovo neka nikomur povidat.
Ću to ja ljudiem naznatit, kad bude potribno.
– Ča nećemo pojt va grad? – pita Ive.
– Pojt, ali ne svi. I nako je ovde na okolici čuda
siel, ka drugamo ne moru. Samo ditići, mladi
muži i žene ćedu pojt va grad. Mi drugi ćemo se
sranit. Ovo sam poručil i Jurišiću, kapetanu grada.
Ali ovo se još ne smi povidat.
16