Page 21 - Ivan_Horvat_Zidanski_dicaki
P. 21
Zidanski_dicaki.qxp 2017.10.18. 12:49 Page 19
– No, Mate, čuli smo da si bil Kisegi. Ča si doznal?
Drugi pak pita.
– Zač je bil ovde poslani s Kloštra?
– Bil sam – veli liktar. – Samo tuliko morem
povidat, da će Turak vude dojt na Kiseg pod Beč.
Potom svaki grad kani poses. Zač su me opat poz−
vali, ne znam. Za dva tajedne ćemo imat sprav−
išće na našem dvoru, onda ću jur sve znat i ću
vam sve povidat.
Muži idu va kerčmu. Sedu se za stole i svaki
povida da ča i kako bi se moralo činit. Na zadnje
se dokonjadu: na liktara moramo poslušat, on je
najspametniji med nami, zato smo si ga zibrali.
Ciel tajedan se svaki pašći, da se sieno ušuši i
va plasnice spravi.
I Cigani su imali svoje spravišće. Marko im
povi, ča je doznal.
– S selom moramo skupa deržat – veli Šuklo. –
Dostat ću železa. Oš se mora kujna načinjit, čuda
već neg do sada. Va gradi će bit potriban, a mi
ćemo si pinez zaslužit. Svaki, ki se more gibat,
neka ide va lozu kujn žgat.
– Pravo imaš – veli Lovre. – I ja ću pojt, pak ću
si i čuda driv zibrat za deržala, i za ražnje. Korita
se sad ne pravadu načinjat.
– I žene nam neka dojdu pomoć – veli guslar,
da i on dostane rič.
– Onda smo se razumili – veli kovač. – Četertak
idem s mojimi ditići va grad. Otprimit ćemo
kujna, pak ča imam načinjeno. Pominat ću se s
kovačem, da ča se mora načinjat, a i s husarom, on
zna ča prava vojska.
19