Page 80 - Kalendar_2017

33-121_Layout 1 2016.11.04. 11:51 Page 78

Marica i vrag

Jempot su bile dvenajst dekle. Te su pre hiže hodile prest. Jedenajsta so meli mladoženju,
a dvanajsta je ne mela. Pak je jenpot rekla: „Božek moj lubleni, da bi mela i ja mladoženju,
makar bi vrag bil, kaj bi ja ne bila sama.” Drugi večer su išle opet prest. Samo jenpot je
jeden lepi dečko došel kak gospon spravlene, pak je kre Marice sel. Ona je bila jako vese-
la i štimala se kaj ona ima mladoženjo. Hapili so se večerjate, pak je tam dečke vilica opala
dole. Marica fletno se prignola kaj mo zeme gore vilicu. Pak je zgledala kaj je to ne pravi
čovek, neg je vrag, imel je kopite. Potle ona je več ne mela volo nite jeste. Nego se prijela
pak je dbežala dimo. Je da je išel za njom i mladoženja. Došel je do hiže, pak je štel ite
nuter. Pak je ružil po vracaj: „Marica, ruža ma, pusti me nuter!” Ona je rekla: „Nem te pusti-
la.” Vrag je rekel: „Ak me neš pustila nuter, japa ti fmerje.” Tak je i bilo. Drugi den so japa
fmerli. Došel je i drugi večer. Pak je vikal: „Marica, ruža ma, pusti me nuter!” Rekla je Marica:
„Nem te pustila.” Vrag je rekel: „Ak me neš pustila, mama ti fmerje.”
Tak je i bilo. Drugi den i mama so fmerli. Došel je mladoženja trejti večer, pak je vikal:
„Marica, ruža ma, pusti me nuter!” Ona je i ve rekla: „Nem te pustila.” Vrag je vikal: „Ak me
neš pustila nuter, zutra ti fmerješ!” Potle je mladoženja dišel. Marica je fletno reče steni:
„Stene, naj povedati kot so mrtvo telo nesli vun!” Išla je vracaj: „Vraca, naj povédati kot so
mrtfo tela nesli vun!” Išla je bloko: „Bloko, ak vas bo što pital kot so mrtvo telo nesli, naj pove-
date!” Dišla je k drumo: „Drum, ko te bo što pital kot so mrtvo telo nesli, naj povedate!”
Pak je dišla nuter v hižo, pak je Marica fmrla. Tak je rekla i onimi čovekami ki so jo nesli na
grobije naj je ne zakopaju na grobije, neg s kraja kre grobija. Tak je i bilo. Došel je mlado-
ženja Maricu iskat. Mam je dišel nuter v hižo, pak je rekel stene: „Stene, kot so nesle mrtvo
telo vun?” Stena je rekla: „Idi kraj od mene, tak se hitim vu te kaj mam fmerješ!” Išel je vrag
pitat vraca: „Vraca, povečte mi kot su nesle mrtvo telo vun?” Vraca vele: „Idi kraj od mene,
am na te se poderem, kaj na jempot pogineš!” Ide vrag bloko: „Blok, kot su nesle mrtvo
telo vun?” Blok mu je sam rekel: „Idi kraj od mene, a tak bom pocal, kaj ti joči bodu poca-
ni! Idi drumo pitat!” Vrag ide druma pitat: „Drum, povečte mi kot su nesle mrtfo telu vun?”
Drum mu je rekel: „Idi kraj od mene, a tak bom kamenje hital vu te, kaj nite prah ne z tebe.”
Neje znal kaj bo vrag, dišel je na grobije. Tam se ogledaval de je novi grob. Nigde neje
videl, drugo je ne znal, kaj z groba na grob skakal. Na Maričinem grobu je jena jako lepa
ruža cvala, po sem grobiju. Išel je not jen grof na hintovo. Pak mo je ta ruža jako zadišala.
Rekel je kočijašu naj ide mu ftrgne jenu. Kočijaš je dišel kaj mo ftrgne, pak se ruža kraj
odvijala. Undar je viknul grofo gospodinu naj si sam ftrgne. Došel je grof dole z hintova
pak je išel kaj jo trgne. Ruža se mam k nemu previnula, pak si je grof trgne. I na prsi si je
del. Nato so si seli na hintov, pak so dišli, a vrag je pre zadnem grobo bil, undar je zgledal
kaj to ruža mora biti z Maričinoga groba, to ona mora biti. Pak je bežal za hintovom kaj je
stel prejeti. Kaj bi bil grofo ružu fkral, al da je grof več došel dimo na svoj dom, tam več
vrag neje imel jakosti. Ondar ju je jako preklel: „Prokleta duša, bil bi te prijel, pak bi te na
cirke strgal. Zotem je vrag dišel. Grof si je ružo del v jeno kuficu z vodom. jempot se ruža
stepla, pak z nje postala jena jako lepa dekla. Grof se je za ženu zel i ve živiju ko su ne
fmrle.
Povedala: Horváth Józsefné, Serdahel

78 2017 Hrvatski kalendar