Page 170 - Kalendar_2010

Krađa kuruze

Istoga leta, 1935, vjesen, kuruza je ve bila pobrana, v kupima čakala je da se znosi
vu kuržnake. V Hasanovem škednu oluščena kuruza bila je žuta kak zlato. I ona je
čakala težake ki ju znose il v kuržnak il na najža. Ne znam kakov je bil den, samo to
da je bilo popolne. Vuni sem stal pred našom lesom kad mi je Hasan mahnul rukom
da idem do njega preko puta. – Hodi – veli on – dneseš par kila kuruze k Teješu, a
za dobiven penez kupi salamu pri Hozjanovi gospi. Hozjanovi su meli štecun pri
cirkvi. Hodničku torbu smo napunili na guvnu lepom kuruzom, torbu mi je Hasan
obesil na vrat, a ja pak kak šprih z puške hajde ka Teješu. Zval se je Štefan Mihovič,
a zabavljal se kupnjom svakojakih žitarica pak i kupnjom mleka. Zato je bil Teješ
(mlekar). Pišta bači hitil je torbu moju kuruzom na vagu. Precizno je smeril i rekel: –
Prav pet kil! Budeš dobil pet krajcarov, to je po denešnjoj ceni deset filirov. Vu šaku
mi je izbrojil pet krajcara, a ja pak, veran sluga, odbežal sem v Hozjanov štecun po
kolbasa. Stareša gospa bila je v službi.
– Kila kolbasa je za pengi, za deset filir dobil budeš deset deka – rekla je štecu-
narka i zamotala v smeđi, debeli papir tečni komad kolbasice za mojega suseda, za
Joškija Hasana. Dok sem ja dobežal od Teješa pak z Štecuna, Hasan je več zakuril
peč i v mali ranglici topil je mašču. Kolbas je naseckal vu mašču, malo je prepekel
„meso” pak je onda išče dodal štiri, al pet jaja. Kad je on to jelo spekel, došel mu
pajdaš Štefan Hederič (Friči), te su na anc-cvaj vuse strpali rezultat „vkračene”
kuruze. Ja pak sem samo pogatal lufta kak riba mursku vodu. Niti denes ne znam što
je pripovedal za tu Božu kuruzu direktoru, samo to znam da sem sutradan opet bil
pozvan pred katedru i prikazan kak tobožni lopov kuruze Hasanove! Opet sem dobil
par čušake z desne i z leve strane, ali se plakal nesem. Vu sebi sem obečal da rajši
od gladi poginem nego da tuđe nešto oduzmem! Hvala Bogu, do ve mi je obečanje
uspelo! Ne sem kral, neg sem pomagal! – kad sem mogel i znal.

Razbita tuđa trombeta

Sestra Kata od tetke (tece) Jane Haloševe negde 1938. leta udala se za Đuru Tkalca
Lackovog. Ja, kak smkljivec, fletno sem zavolil novog rođaka. Na to sem imel više
razloga: imel je drotnog konja (bicikl), vozil je Hoffer traktor, imel je lovačku pušku,
med leventašima bil je prvi pomočnik zapovednika, sam je napravljal patrone i nabi-
jal prahom, olovom i zagušival specijalnim papirom, više puta pozval me je vu lov
na zajce, trčke na fazane. A najbolje me je vlekla k njemu njegova primtrombeta od
žutoga bakra. On sam neje bil muzikant. Znal je ispuhati samo jednu melodiju:

170 Hrvatski kalendar