Page 169 - Kalendar_2010

Moje školske neprilike

Nesrečno bričkanje

Vu vremenu mojega detinstva nije bilo radija, televizije, magnetofona i raznovrsnih
plastičnih igračaka, nego smo se igrali stvarima koje smo si sami znali zeskabirati,
napraviti. Od više tih naprava, jedna je bila „bricka”, štapič dug 15–20 cm, odrezan
od drške poderane, stare metle, zašpičen s desne i s leve strane. Taj šiljasti drveni
komad, bricka, prvič se moral od deset meterne daljine hitati, bacati vu jedno na
zemlju nacrtano kolo. Od dvojice igrača pravo početi igrati imel je on koji je bliže
hitil bricku ka kolu. Igralo se tako da je igrač meternim štapom vudril jeden ili drugi
špinec bricke, bricka je skočila gore, a igrač ju je v luftu lupil i poslal ju do vraga.
Pasivan suigrač moral je odbežati po bricku i baciti ju ka kolu. Ako mu je uspelo
pogoditi kolo, prevzel je štap i počel je igru otpočetka. Brickalo se i tako da se uz
udaranja bricke u luftu brojilo: tíz, húsz, harminc, negyven, ötven itd. Vrlo je dober
bil igrač koji je mogel zbrojiti do sto. Kad je bricka pala na zemlju, igrači su se me-
njali.
Jedenput me je sused Joška Hasan, tri let stereši od mene, nagovoril de se idem
s njim brickati. On, kak virtigl brickaš, igral se z menom kak maček z mišom. Bricku
je poslal na petnaest, dvadeset metrov, a ja pak sem begal kak norc simo-tamo. On
se pak tečno smejal! Ja nit to nesem znal kak je treba bricku pogoditi tako da ona
skoči pred menom gore. V srcu sem se srdil, a po pleči i po čelu znojil. (…) Jednom
budem pogodil to prokleto kolo pak ču onda ja tebe slati tak daleko, kaj dve vure ne
dojdeš nazaj – mislil sem ja vu sebi. Ne znam kako, ali mi je ipak uspelo pogoditi
liniju kola te je moj pajdaš moral predati tukački štap meni. – Ve buš ti bežal! –
viknul sem i vudril bricku štapom. Bricka je skočila preda me, ja pak puff! po njoj,
a ona počela leteti. I kaj mislite kamo? No pogodite! Povem vam. Zletela je
vposerdinu Hasanove verande i rezbila 2–3 kvadratiča od stekla. Igra je odmah bila
završena, a stari Hasan odmah me je prijavil pri direktoru škole. Drugi den na prvi
vuri došel je vu našu učionicu Đula …lbec, a za njim Hasan stareši! Znal sem kaj
budu linge! Odmah sem dobil dve menše pljuske zakaj sem potrl Hasanovoga bloka.
– Nesem ga ja potrl, nego je bricka zletala vu njega! Ja ga nesem štel potrti! – Japa
moj vam ga da poprajiti pri tišlaru! – rekel sem ja ali vabitelja nesem izdal. On je
tam čusel vu petem razredu! Japi svojemu sem povedal istinu. Dišel je po Lujza
Lovkoa, po tišlara, koji jen ovo steklenje nametal na verandin oblok. Više se nesem
brickal, nego rajši igral harmonikom na vrtu pod starim šlivani.

Hrvatski kalendar 169