Page 81 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 79

– No, no! – veli Ive. – I po vodi će ti gorit verca?
– Dost je ovde rozgov – razlaže Marko – na nje
ćemo ju verć, i će lipo po doli gorit. Razumiš.
– Da meni ovo ni došlo napamet – veli Ive.
Kad su ljudi doznali, da nisu va pogibeli, po
Gornom polju su tako delali kotkad bi najveći mir
bil na svitu. Žene su zdihavale:
– Ali ča će bit s onimi ki su va gradi?
– Oni mierkadu na nas – je tolu liktar. – Va boji
seneg je mertvi. Nekate se najper plakat. Sad se
delat mora, da preživimo ovo vrime.
Po nedilje kot križa su se spravili, molili, muži
meru napijali, aš su si s čerisnjov žgano jur skuhali.
Malo vina im je oš ustalo.
– Ali ča će bit ako Turki i na zimu ovde ustanu?
– je čut i ovde.
– Navo sam si i ja mislil – velu liktar. – Zato
ćemo morat počverstit stane. Već špijov skopat.
Kad se more pojt va vinograd, se mora doprimit
sve ča je zrelo.
Ča se ne poji, oto se mora šušit. Dica neka
saki dan idu s guslarom pak s godinarom ver−
ganje brat. I po lozi je čuda kostanj. I ti ćedu se
morat svi obrat. Za svinje želuda će bit dost.
Jedno za drugim moramo delat. Nigdor se neka
ne lieni.
– A ča je s čuvarom va vinogradi? – pita neki.
– Dičaki su to rekli, da je zdrav. I njemu
otprimu kruha, a za drugo se skerbi. Mer je dost
zecov po vinogradi. Čemu ima kucka.
Karol doprimi vercu. Dičaki si ju veržu va
vruću smolu. Ciel dan imadu posla s njom.

79