Page 80 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 78

– Znam se spomienut – veli Ive – da su naš otac
tili povidat štorice od Turkov.
– Vakovoga ča? – se čudu dičaki.
Za par dan su štuki zgora bili na brigi, kade su
pervo lipi vinogradi bili. Vinograde su porušili, s
teški muk postavili štuke. Začeli su strijat. Turki
z odzgor, naši s grada. Ni j’ bilo čuda vidit, neg
velik dim, pak čut štuke rut.
Jedan dan, kad je Marko zgora, vidi konje, ki su
štuke vlukli, i vole gonu k Djundješu. Onde je
vodie i lipe travie.
Moru se pas i napajat. I siena su doviezli tamo,
nedaleko od druge vodotočine, blizu močvare.
Marko ide doli, i veli Ivi:
– Hodi i ti gori da si načinjimo plan.
Kad su zgora, gledadu da ča bi oni ovde mogli.
– Znaš ča? – veli Ive. Imamo streljice. Ćemo im
špice zasmolit, važgat i strijit na kozlice.
– Nij’ dobro – si kroca glavu Cigančić – onda
ćedu vidit da odakjek se strija. Ča će se onda s
nami stat, na to si ni pomislit neka.
– A ča ćemo? – pita Ive.
– Znaš ča? Karolu ćemo reć nek nam doprimi
čuda verce, mer te je dost va Novom Seli. – veli
Marko.
– Ča ćeš s vercom? – pita Ive. – Smolu ćemo si
steplit na ognji va jednoj rajni. Va tu ćemo
namočit vercu. Knoći ćemo projt. Od potočića
ćemo povuć vercu do siena. Na otočići ćemo ju
važgat. Polako će klit. Na koncu verce će bit
gumba. Kad oganj tamo dojde, će začet plesat.
Važgat će kozlicu.

78