Page 65 - Ivan_Horvat_Zidanski_dicaki
P. 65
Zidanski_dicaki.qxp 2017.10.18. 12:49 Page 63
Sad vidi, da kako je lipo načinjeno. I gradju način−
jadu. Dica se onde noru. Kad zagledadu Cigančića,
se prestrašu. Friško ga poznadu i bižu k njemu.
– Ča to imaš? – Pokaži nam! – viču.
Marko pokaže kako se more striljit. Dica se čudu.
– Ča si i ti stražar? – ga pitadu.
– Ne, špion – odgovori gizdavo.
Dica ne znadu ča je to, ter bižu daje načinjat
gradju. Marko ide, da i on pogleda ljude. Friško
najde liktara. Jako se začudu. Marko im ljuto povi
ča je doznal.
– Jako se mierkajte – velu liktar. – Dobro je da
ste ta most zrušili. Va grad i vi već ne morete.
Smole naberite kuliko morete, ko je potribna. Ni
vas godina.?
Marko friško povi, kako su se bojali, i da im se
hutice nisu premočile.
– Sad poj najzad – velu – Karol će vam zutra
doniest ubied i zelienja, da si budete mogli
skuhat supu. Verganjov imate, ali neg nakove si
poberite, va ki ste gvišni.
– Tako će bit – veli Marko, i se otpašći.
Liktar se strefu s Karolom. Znali su da je svoje
prošal pogledat.
– No, Karol – velu – kot sam čul šikani ste. Neg
vako daje. Put sad ur dobro poznaš?
– Da – odgovori Karol. – Saki drugi dan ću ti
dojt. Ako se ča važnoga stane, onda ću valjek
doteć. Jutro mi neka tete skuhadu ubijed, da do
podneva budem onde.
– Jedan diel puta ćemo skupa pojt – velu lik−
tar – aš mi ćemo si zutra simo dognat svinje.
63