Page 51 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 49

– Zutra si morate najpervo stiene načinjit s
terninami – velu liktar. – Stupov ne pravate, aš
ćedu sve kite deržat. I krov si morete na kite
poviezat. Mer neg meru kića morate verć na
njega, da vam ne bude jako sunce upiralo na
glave.
– Razumimo, – velu dičaki.
Jur sunce zahaja kad idu domon. Kot pastira se
naju čerišanj, i meru počinu. Liktar se i nako
pominadu s pastirom za svinje.
Ditići i Marica doma tuliko znadu povidat, da j’
to čudno.
– Znate ča – velu otac. – Do pietka su i černike
zrele, i tie potergajte, pak na placu s njimi. Ste
vidili i mesarov na placi.
– Da – veli Marica, – i kupili smo si meru ča za
pojis.
– Dobro – velu otac. – Sobotu ča si steržite, za
sve kupite slanine. Ne prava bit vsa ukadjena,
ćemo ju doma cvrit. Pravat ćemo ju va Novo Selo,
kot je Farkaša pokerstil Karol.
– I jednu veću trinogastu presuru – velu mati. –
Već korbacov čerišanj si zamite, sve se moradu
potergat. I nako ste obećali kertizu, kovaču i kon−
janikom. Na koli ćete je moć odviez. I susedu si
zamite. Sad se se mora prodat, aš kad dojde bojno
vrime se neće moć teržit.
– Čuda sadja su kupovali – veli Marica – i oni ki
stanuju uz Djundješ k Sambotelu.
– Kuliko se je naučila va naša Marica – velu
otac, – a ja sam mislil da se ni djavit neće ufat na
placi.

49