Page 7 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 5

Ivan Horvat: Židanski dičaki

I.

Selo su ljudi uzidali uz mali potočić ki ni j’ imal
drugoga imena, neg Potok. Zvećega je malo vode
curilo po njem, ali kad su bile velike godine,
osebito zgora na brigi, kade je vekovečni vino−
grad, onda je bome čuda vode curilo po njem.
Zato su si stane meru više uzidali. Prosti mali
kmetski stani su bili. Verti su bili dost veliki, po
tom, ki je koliko grunta imal, no ne čuda. Stani su
gledali na jug. Bilo je ji meru već od dvajset.
Stani su bili na bielo pobijeni. Saki je imal lesu
i mala vrata na put. Odzad su bile kamre, štale,
lopa, a na drugu stran su bili hidoši, gnjojišće,
verkjac, i dervalo. Uz lesu je bil zdenac. Vode je
bilo dost, voda je bila friška kot iz curka.
Na dvori su imali i visoku brajdu, kade je dobro
grojze raslo. Sagdir su imali čuda kitic. Ljubili su
šipkove rože i oleandere. Ove su si doprimili iz
juga. Va sakom dvoru je rasal i zeleni rozmarin.
Sve je bilo čisto pometeno svaki dan. Pominali su
se po hervatsku, ali muži su znali meru i po uger−
sku i po nimšku.
Imali su liktara, pak noćnoga čuvara i čuvara va
vinogradi, po polji i va lozi. Liktara su si sami odi−
brali, ča je on rekal je bilo sveto pismo.
Na drugu stran potoka na malom brižku je bila
mala crikva i cimitor. Gospodin je til dojt od
Kloštra, ki je va susedskom seli stal.
Od cimitora po gori je jedan veći brižić: Šipkovi
brig mu velu. Ovde su stali Cigani: neg tri familije.

5