Page 32 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 30

Otpodne va kerčmi spitkuju muži liktara.
– Sad vam još se ne smim povidat – velu – samo
oto, da od sakoga stana neka se spravi jedna
peršona i torak neka idu va grad na tri dane
rabotit. Ki ima konja, nek idu dvimi na koli. Oni
samo jedan dan moradu rabotit. Pošteno delajte,
da ne bude tužbe na vas. Ovo je sada aj ...............
A nedilju ćemo imat opet spravišće.
Liktar imadu čuda posla. I oni projdu Kiseg
pogledat, ča se dela. Ive je seneg s snjimi. Njevi
sini idu s drugimi. Čak va kamenicu po kamen.
Čuda kamena se prava, da se zidine popravu, a na
mesta zdignu. Ljudi je dost, već ji ne b’ moglo
delat, aš i od drugi stran su došli, a i varoški kme−
tovi deladu.
Ive se čudi, kako je velik grad. Sada more sve
pogledat. Neg najednoč se strefi s Markom.
– Ča ovde delaš? – ga pitadu liktar.
– Otac su me poslali k kovaču – povida Cigan−
čić – da nam pošalju još već železa. Poglejte, i
vakove sikire moramo načinjat. Na jednu stran je
sikira, a na drugu stran batac. Duzičko deržalo se
mora načinjit s breze. A ovo je druga, ova je na
ubodvi strane zaoštrena. I navu se mora dužičko
deržalo načinjit. Vakovi se mora i Klošter poslat.
– Liktar pogledadu sikire:
– No, ko z vom udri Turka po glavi, valjek će
bit kot njegovoga boga va paradižomi.
– Neka neg idu va paradižom – veli serdito Ive.
– Čemu pravadu zato simo dojt?
– Ča se za to – veli Marko. – Ako sami ne kanu,
ćemo je mi poslat.

30