Page 31 - Ivan_Horvat_Zidanski_dicaki

Zidanski_dicaki.qxp 2017.10.18. 12:49 Page 29

Ovako smo svi va velikoj pogibeli. Kisečki kapitan
kanu Turka ovde dugje zustavit, da se keršćanska
vojska spravi pred Bečom. Zato se mora grad
potverdit. Prosil me je, da i moji kmetovi idu
pomoć. Sada imamo još malo vrimena. Prosim vas
da od svakoga stana neka ide jedan muž ali dvi
žene pomoć na rabotu. Delo će se sada torak zači−
et. Ne idemo svi najednoč. Načinjil sam plan. Ov
tajedan od torka neka idu, Mate, tvoji ljudi. Zatim
pak drugi jedno za drugim.
Opat broji siela jedno za drugim.
– Svako selo tri dni mora pojt. Pošteno delajte;
ovde se ne smi lijenit. Ima ča kakovo pitanje?
Nigdor ništ ne pita. Mate se javi:
– Ki ima konj i kola, pak dvimi idu, ta neg
jedan dan mora pojt. Najavit se mora Kisegi na
placi. Razumljivo je?
– Muži mašu z glavami, da sve razumu.
– Sada ćedu fratri donest vina, da na naše delo
nam Gospodin Bog da blagoslov. Lipo je bilo, da
ste se spovidali i pričestili.
– A ča će bit s nami, kad dojde Turak? – pita
jedan.
– Skoro sam zabil – velu opat. – Ki nimadu
kade ćedu se moć sranit, svi ćedu pojt va grad. Ki
imadu kamo, neka se skerbu. Ali dobro bi bilo, da
ditići, mladi muži, divojke i mlade žene idu va
grad na službu. Svako selo će poiskat jedan kon−
jan, pak ćete se dogovorit.
– Pitanja već ni. Muži spiju vino i idu domon,
kot su došli. Doma otac familiji sve povu. Svaki
zna, da ćedu teški dani dojt.

29